БАДАХШОН МАКОНИ ОБҲОИ ШИФОБАХШ АСТ

               Хоруғ, 10 июл. (АМИТ «Ховар», Л. Додо).- дар ноҳияи Ишкошим теъдоди чашмаҳои шифобахш зиёд мебошад. Тибқи хулосаи коршиносон имрӯз дар ин ноҳия қариб 50 адад чашмаҳои калону кӯчак вуҷуд доранд, ки ҳамаи онҳо дорои хусусиятҳои табобатианд. Дар даврони Шӯравӣ танҳо ду чашма мавриди истифода қарор дошт. Таи солҳои истиқлолият бошад бо имдоди Вазорати меҳнат ва шуғли аҳолии ҷумҳурӣ чашмаҳои шифобахши Ямчун ба хизмати маризон вогузор гардид.               Тавре аз мақомоти маҳаллии ҳокимияти давлатии вилоят ба мухбири АМИТ «Ховар» хабар доданд, аз соли 2010 тариқи маблағи худию сармоягузорони берунӣ обод намудани чашмаҳои дигари ноҳия оғоз мегардад ва ичунин бунёди меҳмонхонаҳо идома дорад.