БОНКҲО БАРОИ РУШДИ ИҚТИСОДИЁТИ ХАТЛОН МАБЛАҒ ҶУДО МЕКУНАНД

             Қӯрғонтеппа, 15 июл. (АМИТ «Ховар», Мурод Сотиев).- Бонкҳо барои рушди соҳаҳои гуногуни иқтисодиёти вилояти Хатлон беш аз 344 миллион сомонӣ ҷудо карданд. Аз конференсияи матбуотии дар шӯъбаи Қӯрғонтеппа будаи Бонки миллии ҶТ ба АМИТ «Ховар» хабар доданд, ки 41,57%-и ин маблағ барои пешрафти соҳаи хоҷагии кишоварзӣ ва тиҷорати соҳавӣ, 15,6% барои рушди соҳаи савдо ва 41,5% барои рушди соҳаҳои саноат ва сохтмон сарф карда мешавад.            Инчунин қайд карда шуд, ки дар соли 2008 барои рушди пахтакорӣ 108,5 миллион сомонӣ ҷудо карда шуд. Аз маблағи қарз 48,5 миллион сомонӣ баргардонда шуд, ки ин 45% -и маблағи қарзро ташкил медиҳад. Имсол барои пешрафти соҳаи пахтакорӣ 51, 3 миллион сомонӣ ҷудо карда шуд.