ДАР КӮЛОБ БЕМОРИИ ДОМАНА 2 БАРОБАР КАМ ШУД

                 Кӯлоб, 20 июл. (АМИТ «Ховар», Сулаймон Холов).-Бемориҳои сироятӣ дар минтақаи Кӯлоб нисбат ба ҳамин давраи соли гузашта кам гардид, гуфт зимни нишасти матбуотӣ сардухтури назорати давлатии санитарию эпидемиологии №2-и минтақаи Кӯлоб Саид Давлатов. Зикр намуд, ки тӯли шаш моҳи соли ҷорӣ дар минтақа бемории домана 130%, оташак 45,0%, зардчаи намуди А-8-ҳодиса, зуком 27,7%, бемории илтихоби шуш 141,3% ва бемории сил 8 ҳодиса кам ба қайд гирифта шудааст. Дар ҳолати санҷиш аз мағозаҳои фурӯши маҳсулотҳои хӯрока 225 килограм маҳсулотҳои кондитерӣ, 12 килограм ҳасиб, 18 килограм равғани «Рама», 266 тухми мурғ, 6 килограм шир (сгущенка), 3 килограму 800 грамм қаймоқ, 8,5 литр ҷурғот, 600 грам равғани маска ва дигар маҳсулотҳое, ки нигаҳдориашон гузашта буд аз фурӯш гирифта шуданд. Давлатов афзуд, дар ин давра 4065 иншоотҳо санҷида шуда, 706 нафар қонунвайронкунандагони меъёрҳои санитарию эпидемиологӣ ошкор карда шуд, ки ба 553-нафари онҳо ҷарима баста шуда, фаъолияти 153 иншооти дигар муваққатан манъ карда шудааст.