ИҚДОМИ НАҶИБИ ҲАСАН АСАДУЛЛОЗОДА
Душанбе, 1 июл.(АМИТ «Ховар», Марзия Саидова).-Раиси «Ориёнбонк» Ҳасан Асадуллозода, ки ҳамзамон вакили Маҷлиси вакилони халқи шаҳри Душанбе аст тасмим гирифтааст, ки дар доираи маъракаи 900-рӯзи ободонӣ ба ифтихори таҷлили сазовори ҷашни 20-солагии Истиқлолияти давлатии Тоҷикистон ободонию нигаҳдошти минбаъдаи Боғи устод Рӯдакиро ба ӯҳда гирад. Ин ташаббусро Ҳ. Асадуллозода дар иҷлосияи 18-уми Маҷлиси вакилони халқи шаҳри Душанбе пешниҳод кард ва он аз ҷониби вакилон хуш истиқбол гардид. Инчунин, Ҳасан Асадуллозода дар доираи соли ташаббусҳои созанда ва масъулияти шаҳрвандӣ ният дорад, ки дар пойтахт як комплекси муосири варзиширо бунёд созад. Ҳамзамон, ҷиҳати мусоидат ба рушди варзиш ва солимгардонии аҳолии пойтахт дар иҷлосияи шаҳрӣ муқаррар шуд, ки то охири соли равон дар чор ноҳияи шаҳр бо масъулияти шахсии раисони ноҳияҳо комплексҳои варзишӣ бунёд карда мешаванд.
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
