ИҶЛОСИЯИ 20-УМИ ПАЛАТАИ БОЛОИИ ПАРЛУМОН ДАЪВАТ КАРДА МЕШАВАД

                   Душанбе, 22 июл.(АМИТ «Ховар», Марзия Саидова).-23 июл дар шаҳри Душанбе иҷлосияи бистуми Маҷлиси миллии Маҷлиси Олии Ҷумҳурии Тоҷикистон даъвати сеюм баргузор мегарад.                    Аз палатаи болоии Парлумони ҷумҳурӣ ба АМИТ «Ховар» иттилоъ доданд, ки дар иҷлосия Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон», Қонунҳои Ҷумҳурии Тоҷикистон «Дар бораи мақомоти худидоракунии шаҳрак ва деҳот», «Дар бораи суғуртаи мутақобила», «Дар бораи нигоҳдории биноҳои бисёрхонагӣ ва ширкати соҳибмулкони манзил» инчунин, дигар қонунҳою санадҳои ҳуқуқии вобаста ба масъалаҳои ҳаёти иқтисодию иҷтимоӣ ва фарҳангии мамлакат баррасӣ ва ҷонибдорӣ мегарданд.