ИТТИФОҚИ КИНОСОЗОНИ ТОҶИКИСТОН БА БИНОИ НАВ КӮЧИД
Душанбе, 14 июл. (АМИТ «Ховар», Лутфия Эшонқулова). — Иттифоқи киносозони Тоҷикистон ба номи Борис Кимёгаров ба бинои кинотеатри собиқи «Зебунисо» кӯчид, ки дар километри 7 — уми хиёбони ба номи С.Айнӣ воқеъ мебошад. Минбаъд фаъолияти Иттифоқи киносозони ҷумҳурӣ дар ҳамин ҷо давом дода мешавад. Директори «Хонаи кино» Сафар Ҳақдодов ба мухбири АМИТ «Ховар» гуфт, ки бинои кинотеатр то имрӯз аз тармими куллӣ бароварда шуд. Аз ҷумла, боми он, утоқҳои кории ошёнаҳои якуму дуюм ва намуди берунии бино мувофиқи талаботи имрӯза таъмир гардид. С.Ҳақдодов изҳори таассуф намуд, ки дар бинои нав барои намоиши филмҳо таҷҳизоти зарурӣ вуҷуд надорад. Айни ҳол мо аз нарасидани воситаҳои техникӣ танқисӣ мекашем, акси садо низ дар толори кинотеатр ба талабот ҷавоб намедиҳад. Инчунин бинои нави Иттифоқи киносозон аз маркази шаҳр хеле дур воқеъ гардидааст. Мухбири АМИТ «Ховар» ёдовар мешавад, ки бо қарори Ҳукумати ҷумҳурӣ бинои «Хонаи кино» аз 28 августи соли 2008 ба ихтиёри Муассисаи давлатии телевизиони «Сафина» дода шуда буд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
