МУЛОҚОТИ Ҳ. ЗАРИФӢ БО САФИРИ КАНАДА

                   Душанбе, 10 июл. (АМИТ «Ховар», Фарангис Раҳимова).-Вазири корҳои хориҷии ҶТ Ҳамрохон Зарифӣ рӯзи гузашта бо сафири кабири Канада дар Тоҷикистон хонум Маргарет Скок бо сабаби ба охир расидани мӯҳлати хизмати дипломатиаш дар мамлакати мо мулоқот кард. Зимни сӯҳбат масъалаҳои равнақу ривоҷи минбаъдаи муносибатҳои дуҷониба, аз ҷумла нақшаҳои ҳамкории ҳар ду кишвар дар соҳаҳои истихроҷи қувваи барқ, истифодаи захираҳои об ва истихроҷи маъдан мавриди баррасӣ қарор гирифтанд.                   Вазири корҳои хориҷии Тоҷикистон дар фарҷоми мулоқот ба Маргарет Скок барои саҳми калонаш дар таҳкими муносибатҳои дӯстона ва равнақу ривоҷи ҳамкории Тоҷикистону Канада изҳори сипос намуд.