ОЗМУНИ «СОХТМОНИ РОҲИ АВТОМОБИЛГАРД»

                        Душанбе, 7 июл. (АМИТ «Ховар», Лаззат Диловарзод).- Мақомоти иҷрояи маҳаллии ҳокимияти давлатии шаҳри Душанбе бо мақсади иҷрои қарори раиси шаҳр барои дарёфти беҳтарин лоиҳаи иншооти «Сохтмони роҳи автомобилгард аз пайвастшавии хиёбонҳои А. Сино ва С.Шерозӣ то кӯчаи Борбад» аз 30-юми июн то 12 августи соли 2009 миёни шахсони воқеию ҳуқуқии ватанӣ озмуни кушод эълон намуд.                        Мақсади асосии озмуни кушод, дарёфт ва интихоби беҳтарин лоиҳаи сохтмонии роҳи автомобилгард аз пайвастшавии хиёбонҳои А. Сино ва С. Шерозӣ то кӯчаи Борбад мебошад, ки баҳри таъмини ҳаракати бехатар ва мӯътадили нақлиёт дар кӯчаю хиёбонҳои пойтахт равона карда шудааст.