САМАРАНОК ИСТИФОДА КАРДАНИ МАБЛАҒҲОИ ИНВЕСТИТСИОНӢ

                  Душанбе, 16 июл. (АМИТ «Ховар», Лаззат Дилловарзод).- Дар моҳҳои январ- майи соли ҷорӣ барои таҷдиди роҳи автомобилгарди «Душанбе-Чаноқ» асосан аз ҳисоби қарзҳои хориҷӣ -93,3 фоизи ҳаҷми умумии инвеститсияи азхудкардашуда ба амал бароварда шудааст, аз он ҷумла дар сохтмони нақби «Шаҳристон» 22435,4 ҳазор сомонӣ инвеститсияи сармояи асосӣ истифода карда шудааст. Дар сохтмони нақби «Шар-Шар» 3328,8 ҳазор сомонӣ, дар барқарорсозии роҳи автомобилгарди Душанбе — сарҳади Қирғизистон (марҳилаи сеюм) ба маблағи 30493,0 ҳазор сомонӣ, дар роҳи автомобилгарди «Шоҳон — Зиғар» ба маблағи 3892,1 ҳазор сомонӣ истифода карда шудааст.                  Истифодаи инвеститсияҳо дар моҳҳои январ-майи соли 2009 дар ҳудуди минтақаҳои ВМКБ — 16 миллиону 163,6 ҳазор сомонӣ, дар вилояти Хатлон — 289 миллиону 419,9, вилояти Суғд — 212 миллиону 875,0, дар шаҳри Душанбе — 114 миллиону 373,7 ва дар НТҶ — 271 миллион 712,7 ҳазор сомонӣ ё 30,1 фоизи ҳаҷми умумии инветитсияҳои ҷумҳуриро ташкил медиҳад.