ТАШРИФИ ПРЕЗИДЕНТИ РУСИЯ БА ТОҶИКИСТОН

                  Душанбе, 30 июл. (АМИТ «Ховар», Наргис Бояхмедова). — Президенти Федератсияи Русия Дмитрий Медведев баъди чошти 30 июл барои боздиди кории дурӯза ба Тоҷикистон омад.                  Меҳмони олиқадрро дар майдони ҳавоии байналхалқии Душанбе Президенти Тоҷикистон Эмомалӣ Раҳмон пешвоз гирифт.                  Дмитрий Медведев имрӯз бо Президенти Ҷумҳурии Тоҷикистон Эмомалӣ Раҳмон мулоқот карда, баъдан дар мулоқоти чорҷониба бо сарони давлатҳои Афғонистону Покистон ва Тоҷикистону Русия иштирок хоҳад кард.                  Хабар дода мешавад, ки президентҳои Тоҷикистону Русия 31 июл дар маросими ба истифода додани НБО «Сангтӯда — 1» ширкат варзида, аз комплекси оптикию электронии «Окно» дар наздикии шаҳри Норак боздид ба амал хоҳанд овард.                                                                                                       Тарҷумон — Қудратов А.