ТИББИ ОИЛАВӢ ДАР НАВОҲИИ КӮЛОБ ҶОРӢ МЕГАРДАД

                Кӯлоб, 20 июл. (АМИТ «Ховар», Сулаймон Холов).- Дар минтақаи Кӯлоб 27 муассисаҳои тиббии вилоят, 11 беморхонаҳои марказии ноҳиявӣ, 31 беморхонаҳои минтақавӣ, 115 марказҳои саломатии деҳотӣ, 247 бунгоҳҳои саломатии деҳотӣ, мавҷуд аст, ки дар онҳо 1039 нафар духтурони маълумоти олидор кор мекунанд, гуфт зимни нишасти матбуотӣ муовини сардори Раёсати тандурустии вилояти Хатлон оид ба шаҳру ноҳияҳои Кӯлоб Мирзоалӣ Миралиев ва афзуд, ки ба замми ин дар базаи маркази тибби оилавии байни ноҳиявӣ дар шаҳри Кӯлоб, бозомӯзонидани мутахассисони маълумоти олидор ва миёна ҳамчун духтурон ва ҳамшираҳои тибби оилавӣ ба шурӯъ гардид. Айни ҳол, дар ин ҷо мутахассисон аз ноҳияҳои Ховалинг, Восеъ ва инчунин аз шаҳри Кӯлоб таҳсил доранд. Чунин курси бозомӯзӣ дар ноҳияи Данғара низ фаъолият дорад.