ВОХӮРИҲО БО АСКАРОНУ САРБОЗОНИ КИШВАР

                     Душанбе, 20 июл. (АМИТ «Ховар», Ибодат Давлатова). — Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ҳамкорӣ бо Вазорати мудофиаи Ҷумҳурии Тоҷикистон тӯли як ҳафта бо афсарону сарбозони кишвар вохӯриҳо гузаронида шуда истодаанд.                     Тавре аз маркази матбуоти Кумитаи мазкур иттилоъ доданд, имрӯз дар яке аз қисмҳои низомии Вазорати мудофиа бо иштироки масъулини Кумитаи ҷавонон ва шоиру нависандагони Тоҷикистон дар мавзӯъи «Баланд бардоштани ихлоси миллӣ ва дӯст доштани марзу буми ватан» вохури баргузор гардид.                     Афсарону сарбозон бори дигар аз арзишҳои миллӣ баҳра бардошта ҳисси ватандустиро дар мафкураашон боло бардоштанд.