АЗ ТАВИЛДАРА 24 НАФАР БА ДОНИШКАДАҲО ДОХИЛ ШУДАНД

                     Тавилдара, 4 август. (АМИТ «Ховар», Ризвонов М.).- Соли равон тибқи квотаҳои Президенти Ҷумҳурӣ 24 нафар хатмкунандаҳои фаъолу аълохон ба донишкадаҳои гуногуни олии мамлакат дохил шуданд,- гуфт дар сӯҳбат ба мо мудири шӯъбаи маорифи ноҳия Сафарбек Раҷабов.                     Аз дохилшудагон 15 нафарашон духтар ва 9 нафарашон писар мебошанд. Ҳоло дар ноҳия 54 муассисаи таълимӣ, аз ҷумла як мактаб-интернати ҷумҳуриявӣ 13 мактаби таҳсилоти миёнаи умумӣ, 13 мактаби таҳсилоти миёнаи умумии асосӣ ва 27 мактабҳои таҳсилоти ибтидоӣ амал менамоянд.