БӮҲРОНИ МОЛИЯВӢ БА ҲАМКОРИҲО ТАЪСИР НАКАРД

                    Душанбе, 24 август. (АМИТ «Ховар», Лаззат Диловарзод).- Ҳамкориҳои иқтисодию молиявӣ ва тиҷоратии Тоҷикистон бо яке аз давлатҳои абарқудрат — Чин дар давраи бӯҳрони молиявӣ рушд кард. Далели ин гуфтаҳо он аст, ки дар соли 2008 табодули тиҷоратӣ байни ин ду кишвар ба 1 миллиарду 250 млн. доллар расида бошад, дар соли 2009 ин равобит боз қавитар гардида, додугирифти тиҷоратӣ нисбат ба ҳамин давраи соли 2008 84 фоиз афзуд.                   — Бӯҳрони кунунии молиявӣ — иқтисодӣ ба сатҳи ҳамкориҳои иқтисодии Тоҷикистону Чин  таъсири манфие нарасонд,- иброз дошт сиёсатшинос Рашид Ғанӣ Абдулло.                    Давлати Чин ҳамчунин дар соли 2009 маблағгузории худро дар лоиҳаҳои гуногуне, ки дар Ҷумҳурии Тоҷикистон роҳандозӣ шудаанд, зиёд мекунад. Ин аст, ки бӯҳрони молиявии ҷаҳонӣ ба муносибатҳои иқтисодии Тоҷикистону Чин бетаъсир боқӣ мемонад.