БЕМОРИИ СИЛ — БЕМОРИИ ИҶТИМОИСТ

                  Душанбе, 24 август. (АМИТ «Ховар», Лаззат Диловарзод).- Бино ба маълумоти сардухтури беморхонаи марказии ноҳияи Ҳамадонӣ Асрор Юсупов, ҳоло дар мавзеи ҷамоати Чубек шумораи зиёди беморони мубталои сил ба қайд гирифта шудааст.                   Дар давоми 7 моҳи соли ҷорӣ мутахассисони соҳа дар минтақаи мазкур беш аз 6 ҳазор ташхис гузаронида, 127 нафар беморони сироятшударо ба қайд гирифтанд.                — Аслан сил бемории иҷтимоист,- иброз дошт А. Юсупов, дар деҳаи Қарағочи чамоати Чубек оби нӯшокӣ нест, аз сабзавоту меваҷот мардум танқисии зиёд доранд ва қариб мева истеъмол намекунанд, — афзуд сардухтур А.Юсупов.                  Мутахассисон аз хоку об сар карда, тамоми маҳсулоти ғизоии ин мавзеъро аз ташхис гузарониданд. Алҳол, беморон тавассути барномаи ДОТС (барномаи зидди бемории сил) бепул табобат мегиранд, аммо онҳо метавонанд аз беморони дигар сироят шаванд.