МУҲОКИМАИ НАҚШИ ИСТИҚЛОЛИЯТ ДАР РАВАНДИ ХУДШИНОСИИ МИЛЛӢ

                   Душанбе, 19 август. (АМИТ «Ховар», Лутфия Эшонқулова).-Бахшида ба 18 -умин солгарди Истиқлолияти давлатии Тоҷикистон имрӯз дар Китобхонаи миллии Тоҷикистон ба номи А. Фирдавсӣ конфронси илмӣ таҳти унвони «Нақши истиқлолият дар раванди худшиносии миллӣ» баргузор гардид. Дар он намояндагони сохторҳои давлатӣ, профессорон, олимону устодон иштирок намуданд. Дар конфронс мавзўҳои «Аҳамияти истиқлолият аз дидгоҳи фалсафа», «Истиклолият — марҳилаи авҷи худшиносӣ ва бедории миллии тоҷикон», «Таносуби озодандешии илмӣ ва истиқлолияти миллӣ», «Таблиғи озодандешӣ ва истиклолияти зеҳнӣ дар осори ниёгон ва таъсири он дар ташаккули ҳуввияти миллӣ» аз ҷониби иштирокчиён баррасӣ гардид.                  Дар доираи конфронс дар толори намоишгоҳи китобхона намоиши калони китобӣ бо номи «истиқлолият — чавҳари ассосии зиндагии миллат» муаррифӣ гардид, ки дар он беш аз 200 адабиёт оид ба истиқлолияти давлатӣ ба маърази тамошо гузошта шуда буд.