САДАМАИ НОХУШ ДАР ВАҲДАТ

                       Душанбе, 19 август. (АМИТ «Ховар», Жасмин Назарова). — 18 август тақрибан соати 23 ронандаи автомашинаи тамғаи «Leganza» рақами давлатиаш ЕК 4284 01РТ Раҳматҷон Ҳомидови 46 — сола, истиқоматкунандаи кӯчаи Давлатов, ноҳияи Ваҳдат, ҳангоми ҳаракат дар роҳи мошингарди Ваҳдат-Ромит дар ҳудуди қишлоқи Чорбоғ ба муқобили самти ҳаракат баромада ба автомашинаи тамғаи ВАЗ-2606 рақами давлатиаш ЕВ 5343 01 РТ таҳти идораи шаҳрванди 41 — сола Раҷабалӣ Мирзоалиев, истиқоматкунандаи деҳаи Бомғура бармехӯрад.                       Тибқи иттилои маркази матбуоти Вазорати корҳои дохилии ҶТ, дар натиҷа ронандаи автомашинаи «Leganza» ва мусофири ӯ ҷароҳати вазнин гирифта ба беморхона бистарӣ шуданд.                      Ронандаи ВАЗ-2606 ва ду мусофирони ӯ аз ҷароҳати сахти ҷисмонӣ дар ҷои ҳодиса ба ҳалокат расиданд.