САРВАЗИРИ МАМЛАКАТ АЗ НОҲИЯИ ХУРОСОН ДИДАН КАРД
Душанбе, 19 август. (АМИТ «Ховар», Наргис Бойаҳмадова). — Имрӯз Сарвазири мамлакат Оқил Оқилов бо мақсади натиҷагирии корҳои анҷомдодашуда ва рафти расонидани кӯмакҳо аз ноҳияи Хуросони вилояти Хатлон дидан кард. Бояд зикр кард, ки барои сохтмони хонаҳои истиқоматӣ дар ноҳияи Хуросон Ҳукумати Ҷумҳурии мамлакат 61 гектар замин ҷудо кардааст, ки аллакай ба аҳолии зарардида тақсим гардидааст. Дар айни ҳол аз 136 хонаи пурра бунёдшаванда 103 манзил сохта ба соҳибонашон супорида шудааст. Дар 33 қитъаи сохтмон бунёди манзилҳои истиқоматӣ дар арафаи анҷомёбист. Умуман, дар ноҳияи Хуросон барои мардуми зарардида зиёда аз 490 манзили истиқоматӣ сохта мешавад. Худи ҳамин рӯз дар ноҳия бо иштироки Сарвазири мамлакат ситоди корӣ доир гардид. Дар ситод рафти корҳои барқарорсозӣ мувофиқи матлаб арзёбӣ гардида вазифа гузошта шуд, ки сохтмони манзилҳои боқимонда барои зарардидагон дар кӯтоҳтарин мӯҳлат ба анҷом расонида шавад. Ҳамзамон рафти таъмини аҳолии зарардида бо масолеҳи сохтмонӣ бояд хуб ба роҳ монда шуда масоили таъмини маҳаллаҳои навбунёд бо қувваи барқ ва оби нушокӣ, ба ҷои бехавф кӯчонида беморхона ва дигар иншооти зарурӣ инчунин бунёди роҳҳо зери назорати доимии масъулон қарор дода шавад.
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
