ҚОИДАИ БЕХАТАРИИ ҲАРАКАТИ РОҲРО РИОЯ НАКАРД

                Душанбе, 1 сентябр. (АМИТ «Ховар», Жасмин Назарова). – Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, соати тахминан 12 рӯзи 31 августи соли равон ронандаи автомашинаи тамғаи «DЕU-Siеlo» рақами давлатиаш ЕК 85 02 РТ 02 Насим Шодиев, соли таваллудаш 1977, сокини шаҳри Истаравшан ҳангоми ҳаракат дар шоҳроҳи Хуҷанд-Истаравшан дар километри 260-м қоидаи бехатарии ҳаракати роҳро риоя накард. Дар натиҷа пиёдагарди ноболиғ Олимҷон Ёқубови 9 соларо, ки истиқоматкунандаи ноҳияи Ғончӣ, хонандаи синфи 3 мактаби таҳсилоти умумӣ №32 буда, аз роҳ мегузашт, пахш намудааст. Дар натиҷа номбурда аз ҷароҳати сахти ҷисмонӣ дар беморхонаи шаҳри Спитамен ба ҳалокат расидааст. Нисбати ин ҳодиса тафтишот идома дорад.