ҲАЙАТИ ВКД ТОҶИКИСТОН БА МИНСК РАФТ

                 Душанбе, 30 сентябр. (АМИТ«Ховар», Таҳмина Ғоибназарова). – 29 сентябр ҳайати намояндагони вазорати корҳои дохилии Ҷумҳурии Тоҷикистон таҳти роҳбарии муовини аввали вазир, генерал – майори милиса Рамазон Раҳимов ба пойтахти Ҷумҳурии Белорусия — шаҳри Минск рафт.                  Ҳадафи сафари онҳо шиносоӣ бо таҷрибаи кормандони ВКД Белорусия дар бобати ҳифзи ҳуқуқи гурезаҳо ва ташкили истиқоматгоҳҳои муваққатӣ барои гурезаҳо мебошад.                 Намояндагони ВКД Тоҷикистон зимни сафар бо фаъолияти Маркази байналхалқии таълимии тайёр кардани кадрҳо барои соҳаи муҳоҷират ва пешгирии хариду фурӯши одамон, бунгоҳи нигаҳдории муваққатии муҳоҷирон ва лабораторияи намояндагии Созмони байналхалқии муҳоҷират дар шаҳри Минск шинос хоҳанд шуд.                 Ташкилкунандаи сафари ҳайати ВКД Тоҷикистон ба Белорусия Раёсати комиссари олии СММ дар масъалаи гурезаҳо мебошад.