ҶАДВАЛИ НАВИ МУСОБИҚА ТАСДИҚ ШУД

                 Душанбе, 15 сентябр. (АМИТ «Ховар», Пайрав Назаров). – Дар қароргоҳи марказии Конфедератсияи футболи Осиё дар Куала – Лумпур ҷадвали нави қувваозмоиҳои хотимавии мусобиқаи дастаҳои футболи қитъаи Осиё барои ба даст овардани Ҷоми раиси Конфедератсияи футболи қитъаи Осиё тасдиқ карда шуд. Ин қувваозмоиҳо дар шаҳри Турсунзода баргузор мегарданд. Дар қувваозмоии нахустини ниманиҳоӣ, ки соати 11 – у 30 дақиқаи 25 сентябр баргузор мегардад, дастаҳои футболи «Дурдой – Динамо» — и Қирғизистон ва «Ашқобод» — и Туркманистон ширкат меварзанд. Ҳамон рӯз соати 16 дар варзишгоҳи «Металлург» дастаҳои футболи «Регар – Тадаз» ва «ВАПДА» — и Покистон қувваозмоӣ хоҳанд кард.                Қувваозмоии хотимавӣ барои ба даст овардани Ҷоми Конфедератсия дар ҳамин ҷо 27 сентябр соати 15 баргузор мегардад.