174275 СОМОНӢ ҶАРИМА АЗ ШАҲРВАНДОНИ ХОРИҶӢ

                 Душанбе, 17 сентябр. (АМИТ «Ховар», Бекназари Абӯбакр). — Дар двоми моҳҳои сипаригаштаи соли 2009 дар ҳудуди ҷумҳурӣ нисбат ба буду боши шаҳрвандони хориҷӣ 145 амалиёт, аз ҷумла амалиёти «Муҳоҷир», «Филтр», «Нелегал», «Нақлиёт» ва «Кофтуков» гузаронида, нисбат ба 217 нафар протоколҳои маъмурӣ тартиб дода шуд.                  Дар шӯъбаи муҳоҷирати меҳнатии Хадамоти муҳоҷирати ВКД ба мухбири АМИТ «Ховар» иттилоъ доданд, ки аз шумораи дар боло зикргардида нисбат ба 181 нафарашон ҷарима баста шуд, ки маблағи умумии он 174 ҳазору 275 сомониро ташкил дод. Нисбат ба 30 нафари дигар протоколҳои маъмурӣ тартиб дода шуда, мувофиқи моддаи 197-и Кодекси Ҷумҳурии Тоҷикистон «Дар бораи ҳуқуқвайронкунии маъмурӣ» огоҳонида шуданд.