АЗ АВВАЛИ СОЛ 23 НАФАР ХУДКУШӢ КАРДАНД

               Бадахшон, 11 сентябр. (АМИТ «Ховар», Л. Додо).- Субҳи 10-уми сентябр муҳосиби хоҷагии деҳқонии Тусёни ноҳияи Роштқалъа ҷавони 33-сола Ниятбек Мастибеков худкушӣ кард. Ин 23-юм ҳодисаи худкушӣ дар вилоят ва 11-ум дар ноҳияи Роштқалъа аст. Дар ноҳияи Шуғнон 8 нафар, дар шаҳри Хоруғ ва навоҳии Ванҷ, Рӯшон, Мурғоб 1 нафарӣ даст ба худкушӣ задаанд. 4 нафар хонанда, 6 нафар донишҷӯ, 4 нафар бо касалии рӯҳӣ, 9 нафар худро ба синаи оби рудхонаҳо партофта, 13 нафар бо роҳи овезонкунӣ ҳалок гардиданд.