ДАР ҶУМҲУРӢ ТО ИМРӮЗ 35 НБО-И ХУРД СОХТА ШУД

               Душанбе, 1 сентябр. (АМИТ «Ховар», Жасмин Назарова). — Дар ҷумҳурӣ то 1 сентябр 35 адад нерӯгоҳи хурди барқӣ,бунёд ва  ба истифода дода шуд.                 Тибқи маълумоти Вазорати энергетика ва саноат,  34 адади он НБО – и хурд бо иқтидори аз 5 то 400 кВт ва 1 адад нерӯгоҳи бодӣ бо иқтидори 1 кВт мебошад.                Аз ҷумла, дар вилояти Суғд 8 адад бо иқтидори умумии 170 кВт, ноҳияҳои тобеи ҷумҳурӣ 22 адад бо иқтидори 279,5 кВт, вилояти Хатлон 4 адад бо иқтидори 625 кВт , иқтидори умумии НБО-и хурди ба истифода додашуда – 1,074 МВт-ро ташкил медиҳад. Бояд қайд намуд, ки бо қувваи барқ 603 хоҷагӣ ва 21 биноҳои ёрирасон таъмин карда мешавад.