КӮМАКИ ФОНДИ УМУМИБАШАРӢ БА ТОҶИКИСТОН

                 Душанбе, 18 сентябр. (АМИТ «Ховар», Наргис Бояхмедова). – Комиссияи Аврупо аз қарори қабулнамудаи Шӯрои мудирони Фонди умумибашарии мубориза ба муқобили бемориҳои СПИД, сил ва табларза дар бобати расондани кӯмаки иловагӣ ба Тоҷикистон барои се соли оянда изҳори қаноатмандӣ менамояд.                  Мухбири АМИТ «Ховар» хабар медиҳад, ки фонди умумибашарӣ қарор додааст, дар давоми се соли оянда ба Тоҷикистон барои табобати бемории сил ба маблағи 87 миллиону 962 ҳазору 78 доллари ИМА кӯмак расонад. Бо ин маблағ ба Тоҷикистон асбобу анҷоми тиббӣ ва дору фиристода хоҳад шуд. Бояд гуфт, ки Комиссияи Аврупо аъзо ва яке аз муассисони Фонди умумибашарӣ мебошад.