КИШТИ ТАКРОРӢ ДАР МӮЪМИНОБОД

                Мӯъминобод, 11 сентябр. (АМИТ «Ховар», Сулаймон Холов).- Деҳқонони ноҳияи Мӯъминобод то имрӯз 3800 тонна картошка, 600 тонна сабзавот, 200 тонна мева, 12 000 тонна ғалла ҷамъ овардаанд, ки нисбат ба ҳамин давраи соли гузашта зиёд аст. Айни ҳол дар ноҳия дар майдони 300 гектар кишти такрорӣ гузаронида шудааст. Дар баробари ин барои зимистонгузаронии чорво 22000 тонна хошок захира карда шуд, ки ин барои солиму бардам баровардани чорво аз зимистон басанда мебошад.