МАҶЛИСИ КУМИТАИ ИҶРОИЯИ ИДМ

                  Маскав, 16 сентябр. (АМИТ «Ховар», Ҳалима Хушқадамова). – 17 – 18 сентябр дар маҷлиси коршиносони Кумитаи иҷроияи ИДМ лоиҳаи Созишномаи ташкили Шӯрои ҳамкорӣ дар соҳаи идораи таҳқиқоти илмӣ муҳокима карда мешавад.                 Лоиҳаи созишноаи мазкурро ба маҷлиси кумитаи иҷроияи ИДМ ҷониби Қирғизистон пешбарӣ намудааст.                  Тибқи лоиҳа, самтҳои асосии фаъолияти Шӯро муайян намудани самтҳои афзалиятнок ва роҳу усулҳои ҳамкорӣ дар соҳаи илм, таҳқиқоти илмӣ ва истифодаи натиҷаҳои он дар истеҳсолот, мусоидат ба рушди фаъолияти илмӣ, ҳамоҳанг сохтани тадбирҳои мамлакатҳои иттиҳод дар соҳаи тадқиқоти илмӣ, муқаррар намудани заминаи меъёрию қонунии ҳамкорӣ дар соҳаи илм ва ғайра мебошад. Шӯро ба муқаррар намудани равобити ҳамкорӣ дар байни муассисаҳои илмӣ ва амалӣ сохтани қарорҳо ва паймонҳои байнидавлатию байниҳукуматӣ дар соҳаи илм мусоидат менамояд.