МАРКАЗИ САЛОМАТӢ

               Бадахшон, 18 сентябр. (АМИТ «Ховар», Л. Додо).- Дар ноҳияи Роштқалъа тариқи маблағгузории Бонки Рушди Осиё Маркази саломатӣ мавриди истифода қарор гирифт. Хароҷоти он 414 ҳазор сомониро ташкил дод. Марказ дорои 12 утоқи ташхисӣ, аз ҷумла утоқи духтурони тибби оилавӣ, утоқи табобатии рӯзона буда, он бо таҷҳизоти замонавӣ ҷиҳозонида шудааст. Бо дастгирии маблағи ин бонк шӯъбаи ҷарроҳии беморхонаи марказии ноҳияи Роштқалъа низ аз таъмир бароварда шуд.               Тавре садри идораи тандурустии вилоят Пайкармо Алиёрова иттилоъ дод, соли ҷорӣ бо маблағи Дирексияи сохтмонии иншоотҳои ҳукуматӣ аллакай 8 табобатхонаи марказии шаҳру вилоят комилан таъмир карда шуданд. Бо маблағи Вазорати тандурустии кишвар бошад, Марказҳои саломатии Андароб, Техарв ва Навобод аз нав сохта шуданд.