МАШҚИ ҲАРБӢ ДАР ОШУЛУК

                Маскав, 15 сентябр. (АМИТ «Ховар», Ҳалима Хушқадамова ). – Аз 15 то 18 сентябр дар Маркази таълимии тайёрии ҳарбӣ ва амалиёти ҷангии Қувваҳои ҳарбии ҳавоии Русия «Ошулук» дар вилояти Астрахан машқи ҳарбии ҷузъу томҳои низомии мамлакатҳои ИДМ таҳти унвони «Ҳамкории ҳарбӣ — 2009» гузаронида мешавад.                 Ҳадафи машқ такмили маҳорати хизматчиёни ҳарбӣ, ҳамкории ҷузъу томҳои низомӣ дар давраи ҷанг, истифодаи воситаҳои ҳуҷуми зидди ракетаҳо ва ғайра мебошад. Ҳадафи дигари машқ омӯхтани таҷрибаи амалиёти харбӣ ба муқобили гурӯҳҳои террористӣ аст.