МУАССИСАИ ТАБОБАТӢ ПУРРА ТАРМИМ КАРДА ШУД

                Душанбе, 2 сентябр. (АМИТ «Ховар», Кристина Эрлих). – Шифохонаи бачагонаи бемориҳои сили шаҳри Душанбе бо маблағи Фонди умумибашарии СММ дар доираи барномаи табобати бемориҳои СПИД, сил ва табларзаи ин созмони байналхалқӣ пурра тармим карда шуд. Маросими қабули он 4 сентябр баргузор мегардад. Дар маросими қабули шифохона роҳбарону намояндагони вазорати тандурустӣ, мудири иҷроияи Барномаи рушди СММ Ростислав Врбинский, менеҷери Фонди умумибашарии СММ Солибон Умар, раёсати тандурустии пойтахт ва журналистон иштирок менамоянд. Тармими шифохона моҳи августи соли 2008 шурӯъ гардида, дар давоми камтар аз як сол ба охир расид. Дар он бачагони бемори шаҳри Душанбе ва ноҳияҳои тобеи марказ табобат карда мешаванд.                Муассисаи рушди СММ шифохонаро бо тамоми асбобу анҷоми зарурии табобати беморӣ таъмин намуд.