МУЛОҚОТИ Э. РАҲМОН БО МЕҲМОНОН АЗ ИДM

                Президенти Ҷумҳурии Тоҷикистон Эмомалӣ Раҳмон Роҳбарони мақомоти олии назорати молиявии кишварҳои Иттиҳоди Давлатҳои Мустақилро, ки ба шаҳри Душанбе баҳри иштирок дар ҳамоиши навбатии худ ташриф овардаанд, ба ҳузур пазируфт.                Дар сӯҳбат масоили ҳамкории мақомоти назорати молиявии кишварҳои Иттиҳод баҳри коҳиш додани таъсири бӯҳрони ҷаҳонии молиявию иқтисодӣ ва муборизаи муштарак бо ҷиноятҳои иқтисодӣ баррасӣ шуд.Таъкид гардид, ки ҳамкории ниҳодҳои назорати молиявӣ барои таҳкиму густариши робитаҳои судманд басо муҳим аст.               Хотиррасон бояд намуд, ки барои иштирок дар ҳамоиши мазкур роҳбарони мақомоти назорати молиявӣ аз Федератсияи Русия, Беларус, Украина, Молдова, Озарбойҷон ва Қазоқистону Қирғизистон ташриф овардаанд.                Дар ин бора ба АМИТ «Ховар» Хадамоти матбуоти Президенти Ҷумҳурии Тоҷикистон иттилоъ доданд.