МУНОҚИШАИ ОИЛАВӢ САБАБИ МАРГ ШУД

                Душанбе, 3 сентябр. (АМИТ «Ховар», Таҳмина Ғоибназарова).- Аз рӯи маълумоти омор ҳалокати одамон дар натиҷаи муноқишаи оилавӣ 80%-и ҳамаи ҷиноятҳои марбут ба куштори одамонро ташкил медиҳанд. Шаби 2 сентябр ба шӯъбаи милисаи ноҳияи Мӯъминобод дар бораи куштор хабар доданд. Дар рафти тафтиш маълум гашт, ки дар оилаи Шокировҳо ҷанҷоли оилавӣ барпо гашт, ки дар натиҷа Абдухолиқ Шокирови 30-сола ҳамсараш Гулдаста Асоеви 26-соларо бо корд задааст. Дар натиҷа Г. Асоева дар ҷои воқеа ба ҳалокат расидааст.                Аз дафтари матбуоти ВКД ҶТ ба АМИТ «Ховар» хабар доданд, ки баъди рух додани воқеа, А. Шокиров аз ҷои воқеа гурехта, ғайб задааст. Аз рӯи ин воқеа парвандаи ҷиноӣ кушода шуд ва кормандони милиса А. Шокировро ҷустуҷӯ мекунанд.