ОЛИМОН ҚАДРШИНОСӢ МЕШАВАНД

               Душанбе, 7 сентябр. (АМИТ «Ховар», Лаззат Диловарзод).- Тибқи иттилои ноиби президенти Академияи илмҳо Хуршед Каримов, рӯзи 7 –уми сентябр, ду рӯз пеш аз таҷлили 18 –солагии истиқлолияти Ҷумҳурии Тоҷикистон ду олими дар соҳаи илм муваффақ ; Ӯлмас Мирсаидов ва Муҳаммадҷон Шакурӣ ба ҷоизаи Абӯалӣ ибни Сино қадршиносӣ хоҳанд шуд. Ба ҳамагон маълум аст, ки Ӯлмас Мирсаидов кайҳо дар бахши илми кимиё шӯҳратёр аст. Устод Муҳаммадҷон Шакурӣ бошад дар бахши илми забоншиносӣ машҳур гардидааст.             Дар Ҷумҳурии Тоҷикистон то замони мустақилияти кишвар 130 нафар олимони соҳаҳои гуногун ин ҷоизаро соҳиб шуданд.              Ёдовар мешавем, ки маблағи ҷоиза ба 3 ҳазор доллари амрико баробар аст, ки ҳар яке аз ин ду олим имрӯз аз он бархурдор гардиданд.