ШАҲРИТУС БА ҚОНУНШИКАНИИ ЗАМИН РОҲ НАМЕДИҲАД

                 Шаҳритус, 1 сентябр. (АМИТ «Ховар», Сулаймон Холов).- Дар ноҳияи Шаҳритус дар ҳашт моҳи соли ҷорӣ аз тарафи нозирони кумитаи заминсозӣ 132 ҳолати ғайриқонунӣ ишғол намудани замин ба қайд гирифта шуда, 46 адад дастур оиди 141 гектар тартиб дода шудааст, гуфт раиси кумитаи заминсозии ноҳия Абдуқаҳор Қувватов ва афзуд, ки аз қонунвайронкунандагон ба маблағи 25765 ҷарима ситонида шуда, маблағи 21040 сомонӣ ба буҷаи ноҳия ворид карда шудааст. Ба гуфтаи ин манбаъ дар ин давра аз 132 ҳолати ошкор гардида, 75 ҳолати он дар майдони 243 гектар баррасӣ гардидааст. Гуфта мешавад, ки дар ноҳия қонуншикании замин нисбат ба ҳамин давраи соли гузашта кам гардида, ҳолатҳои ҷойдошта сари вақт аз тарафи кормандони кумитаи заминсозӣ пешгирӣ мегардад.