ТОҶИКИСТОН ДАР СОЧИ МЕҲМОНХОНА МЕСОЗАД?

                   Сочи, 19 сентябр. (АМИТ «Ховар» — риан.ру). – Корпоратсияи давлатии «Олимпстрой» айни ҳол бо ташкилотҳои бинокории Озарбойҷон, Тоҷикистон ва Украина дар масъалаи сохтмони силсилаи меҳмонхонаҳо дар шаҳри Сочи гуфтушунид мекунад. Меҳмонхонаҳо дар ин ҷо дар доираи тайёрӣ ба бозиҳои Олимпии зимистонаи соли 2014 сохта мешаванд. Директори генералии корпоратсия Таймураз Баллоев зикр намуд, ки дар Сочи бояд то бозиҳои олимпӣ 42 ҳазор ҳуҷраи меҳмонхона сохта шавад.                  Мо ташкилотҳои бинокории мамлакатҳои иттиҳодро ба сохтмони меҳмонхонаҳо ҷалб менамоем, гуфт Т.Баллоев. Бо ин мақсад қитъаҳои замин ҷудо карда, барои бинокорон шароити зарурӣ муҳайё карда шудаанд. Арманистон ва Молдавия изҳор карданд, ки дар сохтмони меҳмонхонаҳо саҳм мегузоранд. Акнун дар ин масъала бо Тоҷикистон, Озарбойҷон ва Украина гуфтушунид карда мешавад, зикр кард Т.Баллоев.