ҚАЛЛОБ ДАСТГИР ШУД

                  Душанбе, 8 октябр. (АМИТ «Ховар», Жасмин Назарова). – Кормандони шӯъбаи дохилии шаҳри Конибодоми вилояти Суғд шаҳрванди 39 сола Д.С. (барои рафти тафтишот, аз ошкор намудани номи гунаҳкор худдорӣ намуданд) дастгир карданд.                    Тавре ба хабарнигори АМИТ «Ховар» сардори дафтари матбуоти раёсати корҳои дохилии вилояти Суғд Фирӯз Боқӣ иттилоъ дод, ҷинояткор моҳи феврали соли 2008 бо роҳи фиреб ба боварии як гурӯҳ шаҳрвандон даромада, тақрибан 10 ҳазор сомониро бо роҳи қаллобӣ аз они худ намуда, ба эҳтиёҷи худ сарф намудааст.                    Нисбати ин қазия мутобиқи моддаи 274 қ.2 (қаллобӣ) парвандаи ҷиноӣ оғоз гардидааст.