12 – УМИ ОКТЯБР РӮЗИ ОХИРИНИ ЭМКУНИИ МИЛЛӢ

                  Душанбе, 9 октябр. (АМИТ «Ховар», Лаззат Диловарзод).- Бино ба иттилои директори генералии Маркази ҷумҳуриявии эмтаъминкунии Вазорати тандурустӣ Шамсиддин Ҷобиров, барои дар мӯҳлати аз 28 – уми сентябр то 12 – уми октябр гузаронидани рӯзҳои миллӣ эмкунӣ дар байни кӯдакон 5 ҳазор нафар эмкунандагон – ҳамшираҳои тиббӣ, фелдшерҳо ва духтурон корҳои омӯзишӣ гузаронида шуд.                 Ҳамагӣ дар ҷумҳурӣ 2 млн. 334 ҳазору 301 нафар кӯдакони аз 1 то 14 — сола ба эмкунӣ фаро гирифта мешаванд.                  Ба ҷумҳурӣ 2 млн. 623 ҳазор вояи ваксинаи сурхча ва 2 млн. 600 ҳазор сӯзандору ворид карда шудааст.                 Бино ба маълумоти ҳамин манбаъ, то 4 – уми октябри соли ҷорӣ 1 млн. 739 ҳазору 640 кӯдак ба эмкунӣ фаро гирифта шудааст, ки ин баробари 74,5 фоизи умумии эмшавандагонро дар бар мегирад. -12 –уми октябри соли ҷорӣ рӯзи охирини эмкунӣ мебошад.То ин рӯз бояд ҳамаи кӯдакон аз қайди эмкунӣ гузаранд ва дар ин маърака бояд падару модарон бетараф набошанд, — иброз дошт Ш.Ҷобиров ба мухбири АМИТ «Ховар».