60 НАФАР ЗАНОНУ КӮДАКОН ҲАЛОК ШУДАНД

                   Пешовар, 29 октябр. (АМИТ «Ховар» — РБК.ру). – Шумораи фавтидагон дар натиҷаи таркиши воситаи нақлиёт дар назди бозори шаҳри Пешовар ба сад нафар расид, ки аз ин шумора 60 нафарашон занон ва кӯдакон мебошанд, ҳамчунин 200 нафари дигар ҷароҳатҳои гуногун бардоштанд. Тавре ки Associated Press иттилоъ медиҳад, ин амали террористӣ дар наздикии бозори занона рух дода, ба чандин дӯкон ва масҷиди маҳалла зарари ҷиддӣ расонидааст.                    Муддати як моҳ инҷониб дар шаҳри Пешовар амалҳои террористӣ анҷом дода мешаванд, ки дар натиҷа занону кӯдакон ба ҳалокат мерасанд. 9 октябр дар бозори марказӣ дар натиҷаи амали террористӣ 40 нафар фавтида, 100 нафар ҷароҳат бардошта буданд. 15 октябр дар назди бинои мактаб ва баъд аз як рӯз дар назди боздоштгоҳи тафтишотии шаҳр таркишҳо ба амал оварда шуданд.                    Роҳбарияти «Толибон» ҳамаи амалиётҳои террористиро ба ӯҳда гирифта аз ҳукумати Покстон даъват дорад, ки амалиёти густурдаи ҳарбиро бар зидди толибон дар минтақаи Вазиристони ҷанубӣ қатъ намояд.