АЪЗОИ ШӮРОИ БОНКИ РУШДИ ЕВРАЗИЯ АЗ ТОҶИКИСТОН ТАЪИН ШУДАНД

                 Душанбе, 7 октябр. (АМИТ «Ховар», Наргис Бояхмедова). – Аз дафтари матбуоти Бонки рушди Евразия ба АМИТ «Ховар» хабар доданд, ки вазири молияи Ҷумҳурии Тоҷикистон Сафаралӣ Наҷмиддинов намояндаи ваколатдори Тоҷикистон дар Шӯрои Бонк ва муовини аввали раиси Кумитаи давлатии сармоягузорӣ ва идораи амволи давлат Абдуғаффор Раҳмонов муовини ӯ таъин карда шуданд.                 Айни ҳол ба Шӯрои бонки мазкур Русия, Қазоқистон ва Арманистон шомил мебошанд.                   Тоҷикистон моҳи июни соли равон ҳамаи расмиёти қабул ба узвияти бонки рушди Евразияро иҷро намуда, узви чоруми бонки мазкур гардид.                     Маблағи дороии ибтидоии бонк бештар аз 1,5 миллиард доллар мебошад. Бонк бо пешниҳоди президентҳои Русия ва Қазоқистон соли 2006 таъсис дода шуда буд.