БАРҚИ ҚАРЗДОРОН ХОМӮШ КАРДА МЕШАВАД

                   Душанбе, 9 октябр. (АМИТ «Ховар», Лаззат Диловарзод).- Бино ба гуфти сардори макази матбуоти Ширкати ҳолдингии «Барқи тоҷик» Нозирҷон Ёдгорӣ, раиси ширкати мазкур Санъат Раҳимов дар бораи қатъ кардани нерӯи барқ ба тамоми корхона ва идораҳо сарфи назар аз шакли моликияташон, ки дар пардохти маблағи истифодаи барқ қарздор мебошанд, фармон содир намуд.                   Дар асоси фармони мазкур дар саросари ҷумҳурӣ комиссияи махсус таъсис дода шудааст, ки ҳамарӯза аз фаъолияти худ дар бораи рӯёнидани маблағи истифодаи барқ ба Ширкати «Барқи тоҷик»маълумот пешниҳод менамояд. Дар сурати пардохт накардани маблағи қарздорӣ додани нерӯи барқ қатъ карда мешавад.                   Тибқи маълумоти ҳамин манбаъ, дар ҷумҳурӣ лимити барқ ҷорӣ карда нашудааст. Соли гузашта шурӯъ аз 1 –уми моҳи сентябр дар ҷумҳурӣ лимит ҷорӣ карда шуда буд.