ДАР БИНОИ СММ 10 НАФАРРО КУШТАНД

                 Кобул, 29 октябр. (АМИТ «Ховар» — РБК.ру). – Мувофиқи хабарҳои охирин дар натиҷаи ҳуҷуми ҷанговарони Ҳаракати «Толибон» ба бинои СММ дар Кобул 10 нафар, аз ҷумла 6 корманди Созмони Милали Муттаҳид кушта шуданд. Ҳамчунин дар натиҷаи ин ҳуҷум, ки субҳи 28 октябр рух дод, 9 корманди дигари СММ ҷароҳатҳои вазнин гирифтанд, — иттилоъ медиҳад Associated Press.                 Бинои идораи СММ дар маркази Кобул аз тарафи гурӯҳи ҷанговарони ҳаракати «Толибон» иҳота ва забт карда шуд. Ҳангоми ин амалиёти террористӣ аксари шаҳрвандони хориҷии дар дохили бино қарордошта, имконият ёфтанд, ки худро аз марг наҷот диҳанд.                   Ба ақидаи коршиносон мақсад аз ин амали террористӣ мураккаб кардани вазъият дар давраи пешазинтихоботии президенти мамлакат мебошад.