ДАР МАСОҲАТИ 472938 МЕТРИ МУРАББАЪ МАНЗИЛИ ИСТИҚОМАТӢ

                  Душанбе, 30 октябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳҳои январ – сентябри соли 2009 барои инкишофи соҳаи иҷтимоӣ 658836,8 ҳазор сомонӣ равона карда шудааст, ки ин 28,8 фоизи ҳаҷми умумии сармоягузории ҷумҳуриро ташкил медиҳад. Ба иттилои ҳамин манбаъ, дар 9 моҳи соли 2009 дар масоҳати умумии 472938 метри мураббаъ хонаҳои истиқоматӣ ба истифода дода шуданд, ки ин нисбат ба ҳамин давраи соли 2008 — 81332 метри мураббаъ зиёд аст.                 Дар ин муддат масоҳати умумии биноҳои истиқоматии ба истифода додашуда, дар вилояти Суғд 189555 метри мураббаъ, Хатлон -170296, Душанбе – 60355 ва ноҳияҳои тобеи ҷумҳурӣ 52732 метри мураббаъро ташкил додаст.