ФУРӮЗОНАКҲОИ КАММАСРАФ ДАР ҶИЛИКУЛ

                 Ноҳияи Ҷиликул, 14 октябр.(АМИТ «Ховар» Юсуфбек Беков).- Дар нӯҳ моҳи соли 2009-ум дар ноҳия тамоми корхонаву ташкилотҳо новобаста аз шакли моликияташон ба фурӯзонакҳои каммасраф гузаштанд. Корхонаҳои буҷавӣ 6337 адад лампаҳои каммасраф иҷроиши он 100 фоиз, ғайрибуҷавӣ 330 дона иҷроиш 100 фоиз, аҳолӣ ба ҷои 48925 адад 40452 адад иваз карда шудааст, ки 82,2 фоизро ташкил медиҳад. Барои оилаҳои камбизоати ноҳия 22400 адад лампаҳои каммасраф ворид шуда ба ниёзмандони ҷамоатҳои шаҳраку деҳотҳои ноҳия тақсим карда шуд. То имрӯз ба оилаҳои камбизоат 442 фурӯзонакҳои каммасраф ба таври ройгон тақсим карда шудааст.