ХОҲИШИ ШАБАКАҲОИ БАРҚИ ҶАНУБӢ АЗ ҲУКУМАТИ ВИЛОЯТ

                 Душанбе, 19 октябр. (АМИТ «Ховар», Лаззат Диловарзод).- Тибқи иттилои шабакаҳои барқи ҷанубӣ, қарзи умумии корхонаю идора, муассисаю хоҷагиҳо ва ҳамчунин аҳолии вилояти Хатлон дар 9 моҳи соли ҷорӣ ба 58 млн. 453 ҳазор сомонӣ расидааст.                   Нозирони идораи фурӯши барқ ҳамагӣ 55 фоизи маблағро ҷамъоварӣ намудаанд.                   Шабакаҳои барқи ҷанубӣ ин вазъияти ба амаломадаро ба назар гирифта, ба ҳукумати вилоят дар бораи мусоидат намудан оид ба пардохти ҳаққи истифодаи барқи корхонаю идора ва муассисаҳои вилоят дархост пешниҳод намуданд.                    То моҳи октябр аз 851 ҳазор кВт соат нерӯи барқи ба вилоят додашуда ҳамагӣ 22 млн. 900 ҳазор сомонӣ маблағ пардохт гардидааст. Барои ҷамъоварии пурраи пардохти ҳаққи барқи истифодашуда боз 35 ҳазору 492 сомонӣ зарур аст, ки бояд корхонаю идораҳо онро пардохт намоянд.