«ИСТИҚЛОЛ» ҶОМИ ТОҶИКИСТОНРО БА ДАСТ ОВАРД

                   Душанбе, 6 октябр. (АМИТ «Ховар», Пайрав Назаров).- Дастаи футболбозони пойтахт «Истиқлол» соҳиби Ҷоми Тоҷикистон соли 2009 гашт. Дирӯз, 5 октябр дар варзишгоҳи марказии ҷумҳуриявӣ қувваозмоии хотимавӣ байни дастаҳои «Истиқлол» ва ЦСКА «Помир» баргузор гашт. Қувваозмоӣ бо ҳисоби 3:1 ба фоидаи дастаи «Истиқлол» анҷом ёфт. Аъзои дастаи «Истиқлол» Юсуф Рабиев ба дарвозаи ҳарифон 2 тӯб ва Фатҳулло Фатҳуллоев 1 тӯб заданд. Аз дастаи ЦСКА «Помир» голи ягонаро Чарлз Накути зад.                  Ёдовар мешавем, ки Ҷоми Тоҷикистон аз соли 1992 гузаронида мешавад. Таи 17 сол 9 даста соҳиби Ҷоми Тоҷикистон шуданд. Айни ҳол дастаи футболбозони «Регар-ТадАЗ» ҷойи аввалро ишғол менамояд. Онҳо соҳиби 4 Ҷом гардидаанд.