М. УБАЙДУЛЛОЕВ: «ҚОНУНИ НАВ ИФОДАГАРИ АҚИДАҲОИ ИНТЕРНАТСИОНАЛИСТӢ АСТ»
Душанбе, 3 октябр.(АМИТ «Ховар», Марзия Саидова).- «Қонуни нави забони давлатӣ яке аз беҳтарин қонунҳо дар миқёси минтақа буда, ифодагари ақидаҳои интернатсионалистӣ аст», гуфт зимни баррасӣ ва ҷонибдории Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» Раиси Маҷлиси миллии Маҷлиси Олии ҷумҳурӣ Маҳмадсаид Убайдуллоев дар иҷлосияи Маҷлиси миллӣ, ки 3 октябр дар Душанбе баргузор шуд. Раиси палатаи болоии парлумони мамлакат аз аъзои Маҷлиси миллӣ даъват ба амал овард, ки ҷиҳати ба мардум фаҳмонидани аҳамияти қонуни забони давлатӣ саҳм гузоранд. Мавсуф афзуд, ки барои ҳар фарди ватандӯст, ки дар қаламрави Тоҷикистон кору фаъолият менамояд, донистани забони давлатӣ зарур аст. Хабарнигори АМИТ «Ховар» иттилоъ медиҳад, ки қонуни нави забон 1 октябр аз ҷониби вакилони Маҷлиси намояндагон ва 3 октябр аз ҷониби аъзои Маҷлиси миллӣ қабул ва ҷонибдорӣ гардид. Қонуни мазкур барои рушди забони давлатӣ дар шароити глобализатсияи ҷомеаи башарӣ шароити мусоиди ҳуқуқиро фароҳам оварда, кафолати истифодаи забонҳои дигарро дар қаламрави Ҷумҳурии Тоҷикистон таъмин менамояд. Қонун баъди имзои Президенти ҷумҳурӣ эътибори қонунӣ пайдо мекунад.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
