ТОҶИКИСТОНУ ҚАЗОҚИСТОН: РОҲ БА СӮИ ҲАМКОРИҲОИ СУДМАНД
Душанбе, 19 октябр.(АМИТ «Ховар», Марзия Саидова).-Таҳкими ҳамкориҳои байнипарлумонии Тоҷикистон бо Қазоқистон дар мулоқоти Раиси Маҷлиси намояндагони Маҷлиси Олии ҷумҳурӣ Сайдулло Хайруллоев бо Сафири фавқулодда ва мухтори Ҷумҳурии Қазоқистон дар Ҷумҳурии Тоҷикистон Абӯталип Ахмедов 19 октябр дар Душанбе баррасӣ гардиданд. Раиси палатаи поёнии парлумони Тоҷикистон таҳкими ҳамкориҳои байнипарлумониро байни ду кишвари Осиёи Марказӣ омили муҳими таҳия ва қабули қонунҳои мувофиқ ба меъёрҳои байналмилалӣ арзёбӣ карда, фаъолияти гурӯҳи дӯстии байнипарлумонии Тоҷикистону Қазоқистонро далели ривоҷи робитаҳои байнипарлумонӣ маънидод намуд. Сафири Ҷумҳурии Тоҷикистон дар Ҷумҳурии Тоҷикистон Абӯталип Ахмедов робитаҳои байнипарлумонии Тоҷикистону Қазоқистонро ба манфиати халқу миллати ду кишвари дӯсту бародар — Тоҷикистон ва Қазоқистон маънидод карда гуфт, ки зимни ваколати сафириаш дар Ҷумҳурии Тоҷикистон саъю талоши худро ҷиҳати густариши ҳамкориҳои самарбахши ду кишвар равона менамояд. Мусоҳибон, ҳамзамон масъалаҳои мавриди таваҷҷӯҳи тарафайнро баррасӣ карданд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
