ВАЗИРИ УМУРИ ХОРИҶАИ ШВЕЙТСАРИЯ ДАР ДУШАНБЕ

                 Душанбе, 5 октябр.(АМИТ «Ховар», Наргис Бояаҳмадова). — Имрӯз, 5 октябр, вазири корҳои хориҷаи Швейтсария хонум Мишелин Кальми-Рей барои боздиди дурӯза ба Душанбе меояд. Дар ин бора ба АМИТ «Ховар» сардори раёсати иттилооти вазорати корҳои хориҷаи Ҷумҳурии Тоҷикистон Давлат Назриев хабар дод. Ҳангоми сафар мулоқоти Мишелин Кальми Рей бо Президенти Ҷумҳурии Тоҷикистон Эмомалӣ Раҳмон ва вазири корҳои хориҷаи мамлакат Ҳамрохон Зарифӣ ба нақша гирифта шудааст. Ҷонибҳо масъалаҳои рушди муносибатҳои дуҷонибаи миёни Тоҷикистон ва Швейтсария, инчунин масоили вобаста ба амнияти минтақаро муҳокима мекунанд.                    Ҳамчунин аз 7 то 9 октябр сафари вазири корҳои хориҷаи Дания Пера Стига Меллер ба Тоҷикистон ва мулоқоти ӯ бо роҳбарияти мамлакат пешбинӣ карда мешавад.