ҶАЛАСАИ ҒАЙРИНАВБАТИИ ҶСК «АГРОИНВЕСТБОНК»

                    Душанбе, 24 ноябр. (АМИТ «Ховар», Покиза Маҳмадбекова). – Мувофиқи талаботи Қонуни Ҷумҳурии Тоҷикистон «Дар бораи ҷамъиятҳои саҳҳомӣ» Шӯрои ҶСК «Агроинвестбонк» 15 декабри соли ҷорӣ Ҷаласаи ғайринавбатии умумии саҳҳомони «Агроинвестбонк» -ро даъват мекунад. Тавре ба мухбири АМИТ «Ховар» иттилоъ доданд, дар рӯзномаи ҷаласа масъалаҳои зерин баррасӣ мегарданд: оид ба пеш аз мӯҳлат қатъ гардидани ваколатҳои аъзои Шӯро (Шӯрои назорати) – и ҶСК «Агроинвестбонк», интихоби ҳайати нави Шӯро (Шӯрои назорати) – и ҶСК «Агроинвестбонк», оид ба дастгирии муомилаҳои манфиатноки ҶСК «Агроинвестбонк».                     Шахсони воқеӣ — саҳҳомон барои иштирок кардан дар ҷаласаи мазкур бояд аз қайд гузаранд, шахсони ҳуқуқие, ки аз номи саҳҳомон иштирок кардан мехоҳанд, бояд бо худ боварихати саҳмдоронро мутобиқи моддаи 56 Қонуни Ҷумҳурии Тоҷикистон «Дар бораи ҷамъиятҳои саҳҳомӣ» ва моддаи 210 Кодекси шаҳрвандии Ҷумҳурии Тоҷикистон дошта бошанд.