20 МИЛЛИОН ДОЛЛАР БА ТОҶИКИСТОН
Душанбе, 24 ноябр (АМИТ «Ховар», Наргис Бояаҳмедова) — Сафари серӯзаи директори соҳавии Бонки Ҷаҳонӣ оид ба идораи иқтисодӣ ва паст кардани сатҳи камбизоатӣ дар мамлакатҳои Аврупо ва Осиёи Марказӣ Лука Барбоне ба Тоҷикистон ба поён расид. Тавре аз намояндагии Бонки Ҷаҳонӣ дар Тоҷикистон ба мухбири АМИТ «Ховар» иттилоъ доданд, ҳангоми сафари худ Лука Барбоне бо намояндагони Ҳукумати Ҷумҳурии Тоҷикистон оид ба масъалаҳои иқтисодӣ ва созмонҳои сармоягузор вохӯриҳо баргузор кард. Дар ҷараёни вохӯриҳо ҷонибҳо масоилеро, ки ба рушди иқтисодии Тоҷикистон монеа мегузоранд, баррасӣ ва таҳлил карданд. Ҳамчунин барномаи нави рушд, ки дар доираи он ҷудо кардани 20 миллион доллари ИМА барои дастгирии буҷаи мамлакат дар баҳори соли 2010 дар назар дошта шудааст, муҳокима гардид. Дигар барномаҳои Бонки Ҷаҳонӣ барои солҳои 2010-2013 низ аз тарафи ҷонибҳо мавриди омӯзиш қарор дода шуд. Лука Барбоне ба ноҳияи Бохтари вилояти Хатлон сафар карда бо деҳқонони бо хоҷагиҳои пахтакор ва ҷараёни истеҳсолот дар корхонаҳои коркарди пахта аз наздик шинос шуд.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
